Оюу толгойн Орон нутгийн ажилчдын Үйлдвэрчний эвлэлийн хороо нь эрх нь зөрчигдсөн уурхайн ажилчдын хүсэлтээр 2024 оны 2-р сарын 22-нд үүсгэн байгуулагдаж, Өмнөговь аймгийн Үйлдвэрчний эвлэлийн холбоонд гишүүнээр элсэн, 2024 оны 3-р сарын 27-нд Улсын бүртгэлд бүртгүүлж албан ёсоор гишүүдийнхээ эрх ашгийг хамгаалах эрхийг баталгаажуулж авсан. 2024 оны 5-р сарын 1 болон 5-р сарын 23-ны “Бүх гишүүдийн ээлжит хурал”- аар Үйлдвэрчний эвлэлийн хорооны дарга болон тэргүүлэгчдээ санал нэгтэй сонгож нэгдсэн зохион байгуулалтанд орон ажиллаж байна. Бид уул уурхайн салбарын ажиллагчдыг зохион байгуулалтад оруулж, үйлдвэрчний эвлэл гэх шүхрийн хамрах хүрээг өргөтгөн, гишүүдийн ашиг сонирхлыг илүү бодитоор шударгаар төлөөлөн, хөдөлмөрчдийн нэгдсэн дуу хоолойг илүү хүчтэй болгож нийгэм, эдийн засгийн бодлогын шийдвэрт нөлөөлөх чадварыг дээшлүүлж ажиллахад анхаарах болно.

– Уриа: Хөдөлмөрчин хүний эрх ашгийн төлөө.

– Эрхэм зорилго: Үйлдвэрчний эвлэлийн хөдөлгөөнийг эрчимтэй хөгжүүлэх замаар иргэдийн хөдөлмөрлөх эрх, түүнтэй холбогдсон хууль ёсны ашиг сонирхлыг тууштай хамгаалж тэдний амьдралын түвшинг эрс дээшлүүлэх нөхцөлийг бүрдүүлэхэд эрхэм зорилго оршино.

– Алсын хараа: Монгол хүний хөдөлмөрийг дэлхийн жишигт үнэлүүлж, шударга хөдөлмөрийнхөө үрээр Монголдоо сайхан амьдрах боломжийг бүрдүүлнэ.